„ბავ­შვებს არა მხო­ლოდ დაბალანაზღაურებადი, არამედ, უმეტესწილად, და­ბალ­კვა­ლი­ფი­ციუ­რი მას­წავ­ლებ­ლე­ბი ასწავლიან“ - Gnomon Wise

ორგანიზაცია Gnomon Wise-მა პუბლიკაცია გამოაქვყნა, რომელიც საქართველოში ზოგადი განათლების გამოწვევებისა და პრობლემების აღწერასა და ანალიზს მოიცავს. პუბლიკაცია ყურადღებას ამახვილებს ასევე პრობლემების მოგვარებისთვის საჭირო ცვლილებებზე და ზოგადი განათლების სისტემის რეფორმირების ძირითად მიმართულებებზე.

კვლევით პუბლიკაციაში სისტემის ერთ-ერთ მთავარ გამოწვევად პედაგოგების არაკვალიფიციურობა სახელდება.

„გან­სა­კუთ­რე­ბულ პრობ­ლე­მას წარ­მოად­გენს გა­ნათ­ლე­ბის მი­წო­დე­ბა­ში ჩარ­თული ადა­მია­ნუ­რი რესურსი. ზო­გად­სა­გან­მა­ნათ­ლებ­ლო და­წე­სე­ბუ­ლე­ბებ­ში და­საქმე­ბუ­ლი პე­და­გო­გე­ბის რაო­დე­ნო­ბა 63.7 ათასს შეადგენს, რაც მთლია­ნად დაქი­რა­ვე­ბით და­საქ­მე­ბულ­თა 6.9%-ია. მას­წავ­ლე­ბელ­თა 90.5% კი სა­ჯა­რო სკოლა­შია დასაქმებული. ამასთან, ეკო­ნო­მი­კის სექ­ტო­რე­ბის მიხედვით, ყვე­ლა­ზე და­ბა­ლა­ნაზ­ღაუ­რე­ბა­დი გა­ნათ­ლე­ბის სფეროა, სადაც, 2022 წელს, მე­დია­ნუ­რი თვიუ­რი ხელ­ფა­სი 747 ლა­რი იყო, რო­ცა მთლია­ნი მე­დია­ნუ­რი ხელ­ფა­სი 1 040 ლარს შეადგენდა. სხვა სიტყვებით, მო­მა­ვა­ლი თაო­ბის აღ­ზრდა ერთ-ერთ ყველა­ზე და­ბა­ლა­ნაზ­ღაუ­რე­ბად პრო­ფე­სიად არის ჩამოყალიბებული, რაც ბა­რიერს ქმნის ამ სექ­ტორ­ში მა­ღალ­კვა­ლი­ფი­ციუ­რი კად­რე­ბის შე­მო­დი­ნე­ბის გზაზე.

დი­დი გა­მოწ­ვე­ვაა და­საქ­მე­ბუ­ლი მას­წავ­ლებ­ლე­ბის კვალიფიციურობაც. 2010 წლი­დან და­ნერ­გილ საკ­ვა­ლი­ფი­კა­ციო გა­მოც­დებ­ზე გა­სულ მას­წავ­ლე­ბელ­თა უდი­დე­სი ნა­წი­ლი ვერ აკ­მა­ყო­ფი­ლებს კომ­პე­ტენ­ციის მი­ნი­მა­ლურ ზღვარს თავის საგანში. მაგალითად, პირ­ვე­ლი­ვე წელს მი­ნი­მა­ლუ­რი ზღვა­რი გა­მოც­და­ზე გა­სუ­ლი მას­წავ­ლებ­ლე­ბის მხო­ლოდ 11%-მა გადალახა. მიუ­ხე­და­ვად ამისა, ისინი სას­კო­ლო გა­ნათ­ლე­ბის მი­წო­დე­ბას განაგრძობენ, რად­გან სექ­ტო­რი ახალ დაკვა­ლი­ფი­ციურ კად­რებს იზიდავს.

შედეგად, ბავ­შვებს არა მხო­ლოდ დაბალანაზღაურებადი, არამედ, უმეტესწილად, და­ბალ­კვა­ლი­ფი­ციუ­რი მას­წავ­ლებ­ლე­ბი ასწავლიან. ამ მძი­მე სი­ტუა­ციის ირიბი დას­ტუ­რია ეკო­ნო­მი­კუ­რი თა­ნამ­შრომ­ლო­ბი­სა და გან­ვი­თა­რე­ბის ორ­გა­ნიზა­ციის (OECD) სწავ­ლე­ბი­სა და სწავ­ლის საერ­თა­შო­რი­სო კვლევა, რომ­ლის თანახმად, სა­ქარ­თვე­ლო­ში ზო­გა­დი გა­ნათ­ლე­ბის სექ­ტო­რი კვა­ლი­ფი­ციუ­რი ახალ­გაზ­რდე­ბის­თვის ნაკ­ლე­ბად მიმზიდველია ამი­ტომ მას­წავ­ლებ­ლის სა­შუალო ასა­კი სა­ქარ­თვე­ლო­ში არის 50.4 წელი, რო­ცა კვლე­ვა­ში მო­ნა­წი­ლე ქვეყ­ნების სა­შუა­ლო დო­ნე 43.4 წელია. უფ­რო მეტიც, 2013 წლიდან, მდგო­მა­რეო­ბა არ გაუმჯობესებულა“, - ნათქვამია პუბლიკაციაში.