საქართველოში სამხრეთ კავკასიის ქვეყნებს შორის დეპოზიტების ყველაზე მაღალი საპროცენტო განაკვეთია
საქართველო დეპოზიტების საპროცენტო განაკვეთით სამხრეთ კავკასიის მეზობლებს შორის ლიდერია, ხოლო რეგიონში მესამე ადგილზეა. მონაცემებს TRADING ECONOMICS ავრცელებს.
კერძოდ, საქართველოში დეპოზიტების საშუალო საპროცენტო განაკვეთი 10.07%-ს შეადგენს, მაშინ, როცა მეზობელ აზერბაიჯანში 8.73%, სომხეთში კი 6.5%-ია.
რეგიონის სამეზობლოდან საქართველო დეპოზიტების საპროცენტო განაკვეთის ოდენობით მსოფლიო ლიდერ თურქეთსა და რუსეთს მოსდევს. განაკვეთი ყველაზე მაღალი, ანუ 47% თურქეთშია, ხოლო რუსეთში 15.09%-ს შეადგენს.
უკრაინაში განაკვეთი 9.1%-ია.
აღსანიშნავია, რომ საპროცენტო განაკვეთები მოცემულია ეროვნულ ვალუტაში განთავსებულ დეპოზიტებზე.
Top-10 ქვეყანა, სადაც დეპოზიტების საპროცენტო განაკვეთი ყველაზე მაღალია:
- თურქეთი - 47%
- ვენესუელა - 36%
- არგენტინა - 32.6%
- ეგვიპტე - 20.1%
- უზბეკეთი - 19.3%
- სიერა ლეონე - 17.75%
- რუსეთი - 15.09%
- კოლუმბია - 13.21%
- მადაგასკარი - 13%
- მონღოლეთი - 11.73%
Top-10 ქვეყანა, სადაც დეპოზიტების საპროცენტო განაკვეთი ყველაზე დაბალია:
- ხორვატია - 0.02%
- იაპონია - 0.03%
- მიკრონეზია - 0.04%
- ბულგარეთი - 0.08%
- ბარბადოსი - 0.15%
- ბრუნეი - 0.18%
- პაპუა-ახალი გვინეა - 0.34%
- ჩინეთი - 0.35%
- ვანუატუ - 0.4%
- სოლომონის კუნძულები - 0.41%
შვეიცარიაში დეპოზიტების საპროცენტო განაკვეთი 1.02%-ს, მოლდოვაში კი 1.6%-ს შეადგენს.
მოამზადა ლადო სულაბერიძემ