რამდენს ხარჯავენ და რაში ქართველები უცხოეთში მოგზაურობისას

საქსტატის მონაცემებით, 2024 წლის II კვარტალში, საქართველოს რეზიდენტი ვიზიტორების მიერ განხორციელებული ვიზიტებისას გაწეული ხარჯები 594.3 მილიონ ლარს გაუტოლდა, რაც წინა წლის ანალოგიური პერიოდის მაჩვენებელზე 15.6%-ით მეტია.

ვიზიტზე საშუალო ხარჯი 2023 წლის II კვარტალთან შედარებით 11.7%-ით გაიზარდა და 1 057.2 ლარი შეადგინა.

ამავე ინფორმაციით, მოგზაურებმა ყველაზე მეტი თანხა, 228 მილიონი ლარი, საყიდლებზე დახარჯეს. მას მოსდევს საკვებისა და სასმლის ხარჯები 156,1 მილიონი ლარით, მესამე ადგილზე კი განთავსების ხარჯებია 91,3 მილიონი ლარით.