Apple-ს ახალი პროდუქტები, რომლებიც ბაზარზე 2024 წელს გამოჩნდება
2024 წლის სექტემბერში გაიმართება Apple-ს მთავარი პრეზენტაცია, რომელზეც წარმოდგენილი იქნება უახლესი iPhone 16-ის სმარტფონები. ამის შესახებ Bloomberg-ი იტყობინება.
გამოცემის თანახმად, 2024 წლის iPhone-ებისგან რევოლუციას არ უნდა ველოდოთ, რადგან Apple-მა შესამჩნევი ცვლილებები 2025 წლისთვის შეინახა, როდესაც ულტრა თხელი მოდელი გამოვა.
გარდა სმარტფონებისა, სექტემბრის პრეზენტაციაზე წარმოდგენილი იქნება ახალი Apple Watch ჭკვიანი საათები, მათ შორის Watch SE მოდელი, რომელიც კიდევ უფრო იაფი გახდება და ახალი თაობის AirPods-ი.
ასევე, 2024 წლის ბოლოსთვის Apple წარადგენს ახალ MacBook Pro, iMac და Mac mini M4 ჩიპს. ყველაზე გამორჩეული გამოშვება იქნება Mac mini, რომელიც მიიღებს თავის პირველ რედიზაინს და კომპანიის ყველაზე პატარა დესკტოპ კომპიუტერი გახდება.
