ბენქსის 5 ყველაზე ძვირად ღირებული ნამუშევარი და ისტორიები მათ მიღმა

ანონიმური მხატვარი ბენქსი, რომელზეც პაპარაცებს და ჟურნალისტებს ნამდვილი ნადირობა აქვთ გამოცხადებული, ცოტა ხნის წინ მსოფლიოს ყურადღების ცენტრში მისი ახალი 15-სერიანი ნამუშევრებით დაბრუნდა. ცხოველთა თემაზე შექმნილი ნამუშევრების სერია, რომლებიც ლონდონის ქუჩებში ჩნდება, ნამდვილ თავსატეხად იქცა.

გრაფიტის მხატვარი, რომელიც მთელ მსოფლიოში ცნობილია თავისი შაბლონური ფრესკებით, ნახატებითა და სკულპტურებით, ბნელ იუმორთან, პოლიტიკურ და სოციალურ თემატიკებს აერთიანებს. მისი ნამუშევრების ღირებულება ბოლო წლებში გაიზარდა.

წარმოგიდგენთ ბენქსის 5 ყველაზე ძვირადღირებულ ნამუშევარს:

გოგონა ბუშტით: 3.7 მილიონი დოლარი

ბენქსის ნამუშევრების კოლექციონერები არიან ანჯელინა ჯოლი, ბრედ პიტი, დრეიკი, ქეით მოსი, კრისტინა აგილერა და გარდაცვლილი ჯორჯ მაიკლი. მაგრამ, სავარაუდოდ, არავინ არის უფრო ერთგული, ვიდრე რობი უილიამსი იყო.

გოგონა ბუშტით“ თავდაპირველად ლონდონის ვატერლოოს ხიდის ქვეშ 2002 წელს გამოჩნდა, მაგრამ ადგილობრივმა ხელისუფლებამ სწრაფად გადაღება ის. მას შემდეგ ბენქსიმ ეს სურათი რამდენჯერმე გაიმეორა და უილიამსმა მისი ერთ-ერთი ვერსია პირდაპირ მხატვრისგან 2006 წელს იყიდა. ის 2022 წლის Sotheby's-ის აუქციონზე 3,7 მილიონ დოლარად გაიყიდა.

სიყვარული ურნაში: 23.7 მილიონი დოლარი

ბენქსის ყველაზე ძვირადღირებული ნამუშევარი ასევე მისი ყველაზე გაბედული ტრიუკია. 2018 წლის 5 ოქტომბერს Sotheby's-ის აუქციონზე 1,3 მილიონ დოლარად გაყიდული ნახატის ნახევარი, მოულოდნელად დაქუცმაცდა და ურნაში ჩაიყარა. ხუმრობამ მთელი მსოფლიო გააოცა. მოგვიანებით ბენქსიმ თქვა, რომ მან გამანადგურებელი წლების წინ დააინსტალირა, რათა დისტანციურად გაეაქტიურებინა, თუ სურათი ოდესმე აუქციონზე გაიყიდებოდა. ტრიუკის შთაგონებად მან პიკასო მოიხსენია:

„განადგურების სურვილი ასევე შემოქმედებითი სურვილია“ - წერდა ბენქსი. ნაწილობრივ განადგურებულ სურათს ეწოდა Love is in the Bin (სიყვარული ურნაშია). ის Sotheby's-მ 2021 წლის 14 ოქტომბერს განსაცვიფრებელ 23.7 მილიონ დოლარად გაყიდა.

Game Changer (თამაშის შემცვლელი): 21.4 მილიონი დოლარი

ბენქსიმ 2020 წელს COVID-19 პანდემიის დროს, ეს სურათი საუნივერსიტეტო ჰოსპიტალ საუთჰემპტონს გადასცა. მან გამოსახა ახალგაზრდა ბიჭი, რომელიც თამაშობს მედდა თოჯინასთან. Game Changer ლონდონის Christie's-ის აუქციონზე 2021 წლის 23 მარტს 21.4 მილიონ დოლარად გაიყიდა. შემოსავალი საქველმოქმედო ორგანიზაციებში განაწილდა.

მზესუმზირა ბენზინგასამართი სადგურიდან: 14.6 მილიონი დოლარი

ეს ნახატი ბენქსის Crude Oils სერიებიდან ყველაზე ძვირადღირებულია. ნახატი შეიძლება განიმარტოს, როგორც კონსუმერიზმის კრიტიკა, მაგრამ ასევე განიხილება, როგორც კომენტარი ცხოვრების დროებითობაზე. ნახატი აუქციონზე 14.6 მილიონ დოლარად გაიყიდა.

წყარო: lovemoney.com