ქვეყნები, სადაც საქართველო ავტომობილების ექსპორტს ახორციელებს - მთავარი საექსპორტო ბაზარი ყირგიზეთია
2024 წლის იანვარ-ივლისში საქართველოში მსუბუქი ავტომობილების ექსპორტი 1.3%-ით გაიზარდა. წელს ამ პერიოდში ექსპორტირებულია 1.193 მლრდ დოლარის 57 323 ერთეული მსუბუქი ავტომობილი, ხოლო შარშან პირველ შვიდ თვეში 1.178 მლრდ დოლარის 60 475 ერთეული.
წელს პირველ შვიდ თვეში საქართველოდან ყველაზე დიდი რაოდენობით ავტომობილების ექსპორტი ყირგიზეთში განხორციელდა. აღნიშნულ საექსპორტო ბაზარზე 15 059 ერთეული მანქანა გავიდა.
მიმდინარე წლის იანვარ-ივლისში მსუბუქი ავტომობილების უმსხვილესი საექსპორტო ქვეყნების ათეული ასეთია:
- ყირგიზეთი - 538.8 მლნ დოლარის 15 059 ერთეული;
- ყაზახეთი - 384.1 მლნ დოლარის 28 237 ერთეული;
- აზერბაიჯანი - 156.8 მლნ დოლარის 7 875 ერთეული;
- სომხეთი - 65.8 მლნ დოლარის 3 580 ერთეული;
- ტაჯიკეთი - 12.8 მლნ დოლარის 834 ერთეული;
- არაბთა გაერთიანებული საამიროები - 6.6 მლნ დოლარის 238 ერთეული;
- ბელგია - 6.1 მლნ დოლარის 120 ერთეული;
- უკრაინა - 5.6 მლნ დოლარის 762 ერთეული;
- თურქეთი - 3.9 მლნ დოლარის 120 ერთეული;
- უზბეკეთი - 3.4 მლნ დოლარის 90 ერთეული.
რაც შეეხება იმპორტის, 2024 წლის იანვარ-ივლისში საქართველოში მსუბუქი ავტომობილების იმპორტი 14%-ით შემცირდა. წელს საანგარიშო პერიოდში იმპორტირებულია 1.607 მლრდ დოლარის 104 845 ერთეული ავტომობილი, ხოლო გასული წლის იმავე პერიოდში 1.876 მლრდ დოლარის 123 410 ერთეული.
