პროფესიები, სადაც საქართველოში კადრებს ყველაზე ხშირად ეძებენ

PMCG-ის კვლევის მიხედვით, 2024 წლის ივლისში jobs.ge-ზე 8 568 ვაკანსია გამოქვეყნდა, რაც 9.6%-ით მეტია ივნისში გამოქვეყნებული ვაკანსიების რაოდენობასთან შედარებით.

წელს ივლისში ყველაზე ხშირად კადრებს გაყიდვებისა და შესყიდვების კატეგორიაში ეძებდნენ. კერძოდ, საანგარიშო პერიოდში გაყიდვების მიმართულებით 2 025 ვაკანსია გამოქვეყნდა.

ამასთანავე, ივლისში 1 878 ვაკანსია გამოქვეყნდა ადმინისტრაციულ და მენეჯერული პოზიციებზე კადრის მოსაძიებლად. ფინანსები და სტატისტია ერთ-ერთია იმ კატეგორიებში, სადაც კადრებს ყველაზე ხშირად ეძებდნენ. ფინანსების მიმართულებით 1520 ვაკანსიაა მხოლოდ ერთ თვეში გამოქვეყნებული.

აღსანიშნავია ისიც, რომ გასულ თვეში კადრებს ეძებდნენ ლოჯისტიკის, ტრანსპორტისა და დისტრიბუციის სფეროშიც. ამ შემთხვევაში ვაკანსიების რაოდენობამ 1 484 შეადგინა. პროგრამირებისა და ინფორმაციული ტექნოლოგიების სფეროში კი 261 თანამშრომელს ეძებდნენ.

PMCG-ის მიხედვით, დარჩენილი 3 346 ვაკანსია ჯამურად სხვა კატეგორიებში გამოქვეყნდა.