აფხაზეთი რუსი ტურისტებისთვის აგვისტოს ბოლოსაც ყველაზე იაფია - რა ღირს ოკუპირებულ რეგიონში დასვენება
რუსებისთვის აგვისტოს ბოლოს ყველაზე იაფი ზღვისპირა დასასვენებელი ადგილი აფხაზეთია. ამის შესახებ რუსეთის ტუროპერატორთა ასოციაციის მონაცემებში წერია.
კერძოდ, თვის დასაწყისთან შედარებით, წყვილზე ათდღიანი ტურის მინიმალური ღირებულება, ტრანსფერისა და საუზმის ჩათვლით, 36%-ით, 64 ათას რუბლამდე (700 დოლარმდე) დაეცა.
მეორე ადგილზე დიდი სოჭია, სადაც დასვენების ფასი აგვისტოს ბოლოს, თვის დასაწყისთან შედარებით, დაახლოებით, 30%-ით დაეცა. წყვილზე საპაკეტო ტურის ღირებულება 66,7 ათასი რუბლიდან (730 დოლარიდან) იწყება.
ტოპ სამეულს ანაპა ხურავს, სადაც მოსკოვიდან საკუთარი მანქანით 10 დღით მოგზაურობა და ორვარსკვლავიან სასტუმროში საუზმით განთავსება ორი ადამიანისთვის 10%-ით ნაკლები, ანუ, მინიმუმ, 71,9 ათასი რუბლი (786 დოლარი) ღირს.
ყველაზე საბიუჯეტო უცხოური მიმართულება თურქეთია. ამ მიმართლებაზე ორკაციანი ტური ფრენისა და all-inclusive-ის სამვარსკვლავიან სასტუმროში განთავსებით 111 ათასი რუბლიდან (1,215 დოლარიდან) იწყება.
შემდეგი არაბეთის გაერთიანებულ საემიროებია, სადაც ორკაციანი ტური ავიაბილეთის ჩათვლითა და ოთხვარსკვლავიან სასტუმროში (საუზმით) განთავსებით 112,5 ათასი რუბლიდან (1,230 დოლარიდან) იწყება.
წლევანდელ ზაფხულს რუსები ყველაზე მეტხანს კრასნოდარის მხარისა და ტაილანდის კურორტებზე ისვენებდნენ.
მოამზადა ლადო სულაბერიძემ