პირველ სექტემბრამდე „პალიტრა L-ის“ აპლიკაციაში აუდიო წიგნების მოსმენა უფასოდაა შესაძლებელი

პირველ სექტემბრამდე „პალიტრა L-ის“ აპლიკაციის რეგისტრირებული მომხმარებლებისთვის აუდიოწიგნების მოსმენა უფასო იქნება. ნებისმიერი მომხმარებელი, რომელიც აპლიკაციაში რეგისტრაციას გაივლის, სასურველი რაოდენობის წიგნებს უფასოდ მოუსმენს. პირველი სექტემბრიდან კი სტანდარტული მომსახურების მიღებას გააგრძელებს.

შეგახსენებთ, რომ გამომცემლობა „პალიტრა L-ის“ მულტიფუნქციური აპლიკაცია, რომელიც სულ ახლახან შეიქმნა, ხელმისაწვდომია როგორც ანდროიდ, ისე iOS სისტემაზე.

აპლიკაციის შექმნის მიზანი ფართო საზოგადოებისთვის როგორც წიგნის შერჩევა/შეძენის, ისე კითხვის პროცესის გამარტივებაა. ერთ სივრცეში აუდიო, ელექტრო და ფიზიკური წიგნებია ინტეგრირებული. მომხმარებლებს აპლიკაციაში არა მხოლოდ შეძენა, არამედ მოსმენაც შეუძლიათ. აპლიკაციაში გენერირებული ბიბლიოთეკა კატეგორიების მიხედვითაა დაყოფილი, რაც მომხმარებლისთვის სასურველი წიგნის მოძებნის პროცესს კიდევ უფრო ამარტივებს. მათ შორის კი არის საბავშვო და მოზარდებისთვის შექმნილი ლიტერატურაც.

როგორც გამომცემლობაში განმარტავენ, ეტაპობრივად აპლიკაციას ახალი ფუნქციონალი დაემატება, რაც მას უფრო მრავალფეროვანსა და მომხმარებელზე მორგებულს გახდის. ამ ეტაპზე მუშაობა მუშაობა მიდის პლატფრომაზე ელექტრონული წიგნების ინტეგრაციაზე. ოქტომბრიდან მომხმარებლები წიგნების წაკითხვას აპლიკაციაშივე შეძლებენ.

გამომცემლობა „პალიტრა L“ 2005 წელს დაარსდა და ძალიან მალე დაიმკვიდრა საქართველოს საგამომცემლო სფეროში წამყვანი პოზიცია. ამ წლების განმავლობაში გამომცემლობამ არაერთი საეტაპო მნიშვნელობის პროექტი განახორციელა.

(R)