აზერბაიჯანიდან შესრულებულ ავიარეისებს შორის საქართველო მეოთხე ადგილზეა
იანვარ-აგვისტოში აზერბაიჯანიდან შესრულებული ავიარეისების მიმართულებებს შორის საქართველო მეოთხე ადგილზეა. ამის შესახებ ქვეყნის ტურიზმის სახელმწიფო სააგენტოს მონაცემებში წერია, რასაც Report ავრცელებს.
კერძოდ, აზერბაიჯანიდან საქართველოს მიმართულებით იანვარ-აგვისტოში 1 353 რეისი შესრულდა, რაც, გასული წლის ანალოგიურ პერიოდთან შედარებით, 33,1%-ით მეტია. მთლიანობაში კი, იანვარ-აგვისტოში აზერბაიჯანიდან 38 ქვეყანაში 17 769 ავიარეისი შესრულდა. ეს გასული წლის ანალოგიურ პერიოდზე 6 ქვეყნით, ანუ 18,7%-ით და 2 546 რეისით ანუ 20,4%-ით მეტია.
საანგარიშო პერიოდში აზერბაიჯანიდან ყველაზე მეტი ავიარეისი შემდეგ 10 ქვეყანაში შესრულდა:
- რუსეთი - 5 134 რეისი (+12,9%)
- თურქეთი - 4 004 (+5,5%)
- არაბთა გაერთიანებული საემიროები - 2 034 (+31%)
- საქართველო - 1 353 (+33,1%)
- საუდის არაბეთი - 617 (-4,6%)
- ყაზახეთი - 557 (-5,8%)
- ინდოეთი - 435 (+5,6-ჯერ)
- ყატარი - 399 (+64,1%)
- ქუვეითი - 297 (+24,7%)
- უზბეკეთი - 287 (+33,5%)
მოამზადა ლადო სულაბერიძემ