ამერიკის ავტობაზარზე, რომელიც პრემიუმსეგმენტში უმსხვილესია, ამ კატეგორიის ავტომწარმოებლებისთვის ერთგვარი პრესტიჟია, იყო ყველაზე გაყიდვადი პრემიალური ბრენდი.
2015 წელი საკმაოდ საინტერესოდ ვითარდებოდა კომპანიებისთვის - ერთმანეთს პირველობაში ეცილებოდნენ გერმანული BMW და Mercedes-Benz, იაპონურმა Lexus-მა კი მხოლოდ შემოდგომიდან დაიწყო პოზიციების გამყარება. თუმცა ის, რაც ამ კომპანიამ დეკემბერში ”ჩაიდინა”, ნამდვილად მოულოდნელი, იყო.
დეკემბრამდე ყველას ეგონა, რომ Lexus სტაბილურად მესამე ადგილზე დაასრულებდა წელს, მაგრამ დეკემბერში კომპანიამ მოახერხა და კონკურენტებზე ბევრად მეტი ავტომობილი გაყიდა, შესაბამისად ჩამორჩენა აღმოფხვრა და მეორე ადგილზეც კი გადაინაცვლა. ”ლექსუსმა” დეკემბერში 41 380 ავტომობილი გაყიდა, მისმა გერმანელმა კოლეგებმა ბავარიიდან კი 34 625, ხოლო ”სამქიმიანებმა” მხოლოდ 34,203.
ამერიკულ ბაზარზე Lexus-მა 10 წლიანი ლიდერობა 2011 წელს იაპონიის დამანგრეველი მიწისძვირს შემდეგ დაკარგა და მას შემდეგ ვერ დაიბრუნა, BMW-მ კი ეს ტიტული უკვე მეოთხედ შეინარჩუნა. Mercedes-Benz-მა მხოლოდ ერთხელ, 2013 წელს მოახერხა პირველ ადგილამდე აღზევება, თუმცა კომპანიაში ყოველი წლის დეკემბერში აცხადებდნენ, რომ ისინი კონკურენტებისგან განსხვავებით არ აპირებდნენ ”არანორმალურ” ფასდაკლებებს მხოლოდ იმისთვის, რომ გამხდარიყვნენ ნომერ პირველი პრემიუმ მწარმოებელი ამერიკაში.
ამერიკის პრემიუმსეგმენტი 2015 წელს 7,7%-ით გაიზარდა - ისტორიაში პირველად გადაცდა ორმილიონიან ნიშნულს და 2.03 მილიონი შეადგინა.
ამერიკის 2015 წლის პრემიუმსეგმენტის გაყიდვები ასე გამოიყურება
BMW 346,023
Lexus 344,601
Mercedes-Benz 343,088
Audi 202,202
Acura 177,165
Cadillac 175,267
Infiniti 133,498
Lincoln 101,227
Land Rover 70,582
Volvo 70,047
Porsche 51,756
Tesla 22,800
Jaguar 14,466
Maserati 11,697
Alfa Romeo 663
Bentley 2,686
Ferrari 2,124
Rolls-Royce 1,140
Lamborghini 756
დანარჩენი 1,100 (მათ შორის Aston Martin, Lotus და სხვა)
P.S. პრემიუმსეგმენტის ახალი ავტომობილების გაყიდვების მსოფლიო მასშტაბით მონაცემები 15 იანვრიდან გახდება ცნობილი.
კოკა კვირკველია