ვის ეკუთვნის 5 ყველაზე მომგებიანი ბანკი საქართველოში
ეროვნულმა ბანკმა კომერციული ბანკების 2019 წლის მე-4 კვარტლის ფინანსური მაჩვენებლები გამოაქვეყნა.
საანგარიშო პერიოდში 8 ყველაზე მომგებიანი ბანკის წმინდა მოგებამ ჯამში 927 732 539 ლარი შეადგინა. მთლიანად საბანკო სექტორის მოგება კი 961 714 845 ლარი იყო.
ანგარიშგებების მიხედვით, 2019 წლის 4 კვარტალში ყველაზე მეტი მოგება „თიბისი ბანკმა“ მიიღო, რომლის წმინდა მოგებამაც საანგარიშო პერიოდში - 392 114 132 ლარი; დარეზერვებამდე წმინდა მოგებამ - 596 428 969 ლარი; მის მიერ გადახდილმა მოგების გადასახადმა კი - 34 375 366 ლარი შეადგინა.
მას მოსდევს „საქართველოს ბანკი“, რომელსაც 4 კვარტლის მონაცემებით, 390 435 262 ლარის ოდენობის წმინდა მოგება ჰქონდა. დარეზერვებამდე წმინდა მოგებამ 576 018 626 ლარი შეადგინა. ხოლო მოგების გადასახადის სახით, როგორც ანგარიშგებიდან ირკვევა, ბანკმა - 46 215 608 ლარი გადაიხადა.
წმინდა მოგების თვალსაზრისით აღნიშნულ ორ ბანკს მნიშვნელოვნად ჩამორჩება „კრედო ბანკი“, რომელიც მომგებიანი ბანკების რეიტინგში მე-3 ადგილს იკავებს. მისმა წმინდა მოგებამ საანგარიშო პერიოდში 27 699 088 ლარი შეადგინა. ხოლო მე-4 და მე-5 პოზიციებს რეიტინგში „ლიბერთი ბანკი“ და „ბაზისბანკი“ იკავებენ. მათმა წმინდა მოგებამ გასულ წელს, შესაბამისად, 26 832 117 და 24 830 002 ლარი შეადგინა.
„ბიზნესპრესნიუსი“ გთავაზობთ ამ 5 ყველაზე მომგებიანი ბანკის მფლობელებს, 2019 წლის მე-4 კვარტლის ანგარიშგებების მონაცემებზე დაყრდნობით:
„თიბისი ბანკი“
ბანკის ბენეფიციარების ჩამონათვალი, რომლებიც პირდაპირ და არაპირდაპირ ფლობენ აქციების 5%-ს ან მეტს წილების მითითებით: (2019 წლის ბოლოს)
- მამუკა ხაზარაძე 10.25%
- ბადრი ჯაფარიძე - 5.99%;
- European Bank for Reconstruction and Development - 8.03%;
- Schroder Investment Management - 6.47%;
- JPMorgan Asset Management - 6.21%;
- Dunross & Co. – 6.61%.
ბანკის ბენეფიციარების ჩამონათვალი, რომლებიც პირდაპირ და არაპირდაპირ ფლობენ აქციების 5%-ს ან მეტს წილების მითითებით: (2012 წლის იანვარი)
- მამუკა ხაზარაძე - 9.14%;
- ბადრი ჯაფარიძე - 6.34%;
- European Bank for Reconstruction and Development - 8.04%;
- Schroder Investment Management - 6.70%;
- JPMorgan Asset Management - 6.22%;
- Dunross & Co. – 5.91%.
„საქართველოს ბანკი“
საწესდებო კაპიტალის 1% და მეტი წილის მფლობელი აქციონერების ჩამონათვალი წილების მითითებით:
- Bank of Georgia Group Plc - 19.77%
- JSC BGEO Group - 79.75%.
- ბანკის ჰოლდინგური კომპანიის, Bank of Georgia Group PLC ბენეფიციარების ჩამონათვალი, რომლებიც პირდაპირ და არაპირდაპირ ფლობენ აქციების 5%–ს ან მეტს წილების მითითებით :
- Georgia Capital JSC - 19.90%
„კრედო ბანკი“
ბანკის ბენეფიციარების ჩამონათვალი, რომლებიც პირდაპირ და არაპირდაპირ ფლობენ აქციების 5%–ს ან მეტს წილების მითითებით:
- CDC Group PLC (UK) - 7.34%;
- European Investment Bank (Luxembourg) - 7.34%;
- International Finance Corporation (USA) - 7.34%;
- Kreditanstalt für Wiederaufbau (Germany) - 7.89%;
- LFS Advisory GmbH (Germany) - 14.76%;
- Dr. Bernd Zattler (Germany) - 8.86%;
- Omidyar Tufts Microfinance Fund (USA) - 6.96%.
„ლიბერთი ბანკი“
ბანკის ბენეფიციარების ჩამონათვალი, რომლებიც პირდაპირ და არაპირდაპირ ფლობენ აქციების 5%–ს ან მეტს წილების მითითებით:
- ირაკლი ოთარ რუხაძე - 30.40%;
- ბენჯამინ ალბერტ მარსონი - 30.39%;
- იგორ ალექსეევი - 30.39%.
„ბაზისბანკი“
ბანკის ბენეფიციარების ჩამონათვალი, რომლებიც პირდაპირ და არაპირდაპირ ფლობენ აქციების 5%–ს ან მეტს წილების მითითებით:
- მი ენხვა - 91.56%;
- მი ზაიქი - 6.92%.
