40.4%-ით გაზრდილი ექსპორტი და 15.1%-ით გაზრდილი იმპორტი - რას ვყიდით და ვყიდულობთ რუსეთში
2021 წლის იანვარ-ივლისში რუსეთთან საერთო სავაჭრო ბრუნვამ 868, 003 მლნ დოლარი შეადგინა, რითიც რუსეთი საქართველოს სავაჭრო პარტნიორებს შორის მეორე ადგილზეა თურქეთის შემდეგ. ბრუნვის მოცულობა წინა წლის ანალოგიურ პერიოდთან შედარებით, 11.6%-ით არის გაზრდილი.
სტატისტიკის ეროვნული სამსახურის ინფორმაციით, საანგარიშო პერიოდში რუსეთიდან პროდუქციის იმპორტმა 545, 316 მლნ აშშ დოლარი შეადგინა და წინა წლის ანალოგიურ პერიოდთან შედარებით 15.1%-ით გაიზარდა. ხოლო ექსპორტმა 322, 686 მლნ აშშ დოლარი და 2020 წლის მაჩვენებელთან შედარებით ზრდა 40.4%-ია.
საქართველოდან რუსეთში ექსპორტირებული უმსხვილესი სასაქონლო ჯგუფები:
- ფეროშენადნობები - 83,985 მლნ აშშ დოლარი
- ყურძნის ნატურალური ღვინოები - 71,670 მლნ აშშ დოლარი
- მინერალური და მტკნარი წყლები - 36,434 მლნ აშშ დოლარი
- სპირტიანი სასმელები - 18,452 მლნ აშშ დოლარი
- გარგარი, ალუბალი და ბალი, ატამი, ქლიავი და ღოღნოშო, ახალი - 16,769 მლნ აშშ დოლარი
- დანარჩენი საქონელი სულ - 95,373 მლნ აშშ დოლარი
რუსეთიდან საქართველოში იმპორტირებული უმსხვილესი სასაქონლო ჯგუფები:
- ნავთობი და ნავთობპროდუქტები - 68,532 მლნ აშშ დოლარი
- ნავთობის აირები და აირისებრი ნახშირწყალბადები სხვა - 62,893 მლნ აშშ დოლარი
- ხორბალი და მესლინი - 41,170 მლნ აშშ დოლარი
- მზესუმზირის ზეთი - 26,026 მლნ აშშ დოლარი
- სატელეფონო აპარატები - 22,120 მლნ აშშ დოლარი
- დანარჩენი საქონელი სულ - 324,573 მლნ აშშ დოლარი
