უსახლკარო კაცი პირველი ადამიანი გახდა, ვინც 3D ტექნოლოგიით “დაბეჭდილ“ სახლში იცხოვრებს - როგორ გამოიყურება ნაგებობა

”ვიმედოვნებ, აქ სიცოცხლის ბოლომდე დავრჩები“ – ეს არის ერთ დროს უსახლკარო ტიმ შეას სიტყვები, რომელიც პირველი ადამიანია, ვინც 3D დაბეჭდილ სახლი ცხოვრობს.

70 წლის შეამ თავისი პირველი 400 კვადრატული ფუტიანი 3D ბეჭდვით შექმნილი სახლი ტეხასის შტატში, ოსტინის გარეუბანში მიიღო. კომპლექსში, სადაც სახლები უსახლკაროებს ეტაპობრივად გადაეცემათ, 500-ზე მეტი სახლი მდებარეობს. ახალი ტექნოლოგიის ნაგებობები ოსტინში დაფუძნებულმა სტარტაპმა Icon– მა შექმნა.

ბოლო დროს აშშ-ში ქუჩაში მცხოვრები ადამიანების რიცხვმა იმატა. სტარტაპმა კი მის მიერ შემუშავებული ტექნოლოგიით გამოსავალს მიაგნო.

3D ტექნოლოგიით შექმნილი შენობები ტრადიციული გზით აშენებულ ნაგებობებთან შედარებით, სხვადასხვა ბუნებრივი კატაკლიზმების მიმართ ბევრად გამძლეა. სტარტაპმა 180 რეზიდენტისთვის 18 მილიონ დოლარიანი დაფინანსება მიიღო. ახლა ნებისმიერ მსურველს შეუძლია თვეში 300 დოლარად სასურველ სახლში იცხოვროს და ამასთან ერთად, სამსახურით იყოს უზრუნველყოფილი.

დასახლების შექმნის იდეა 2015 წელს უძრავი ქონების დეველოპერს, ალან გრაჰამს გაუჩნდა. სწორედ მან გადაწყვიტა ახალი ტექნოლოგიით პატარა სოფელი აეშენებინა.

სახლში, რომელიც მარტივი ტექნოლოგიით შენდება, ერთი საძინებელი, აბაზანა, დიდი სამზარეულო, მისაღები და ეზო აქვს.