ახალი წელი ახალი პროექტით - ციკოლია სუნამოს წარმოებას იწყებს
დიზაინერმა ზვიად ციკოლიამ მომხმარებელს კიდევ ერთი სიახლე შესთავაზა. დიზაინერი სუნამოს გამოშვებას გეგმავს - ამის შესახებ დიზაინერმა ფეისბუქის გვერდზე დაწერა.
სუნამოს, ისევე როგორც ციკოლიას სამკაულების ხაზს, ქვევრის ფორმა ექნება.
,,რადგან საზოგადოების მხრიდან ძალიან დიდი დაინტერესებაა აქვე დავამატებ ინფორმაციას. თავიდან იქნება 3 განსხვავებული არომატი 3 განსხვავებულ ფლაკონში. არომატები იქმნება სპეციალურად ციკოლიასთვის და არ გაიმეორებს რომელიმე ბრენდის სუნს", - წერს ზვიად ციკოლია ფსეისბუქის პირად გვერდზე
რადგან პროცესი მიმდინარეა, ფასი და დამატებითი დეტალები ჯერ ცნობილი არ არის.
