ეკონომიური მანქანების ჩამონათვალი მოგოსგან

თუკი მანქანის შეძენა გადაწყვეტეთ, უმჯობესია დრო დაუთმოთ ბაზრის მოკვლევას იმ მიზეზით, რომ თქვენზე მორგებული ავტომობილი შეიძინოთ. მანქანის შერჩევისას ბევრი ფაქტორია გასათვალისწინებელი და უპირველეს ყოვლისა, აუცილებელია მომხმარებელმა საკუთარი პრეფერენციები გამოყოს და სწორედ ამის შესაბამისად დაიწყოს სასურველი ავტომობილის ძიება. რა შეიძლება იყოს თქვენთვის უპირატესი? ზოგისთვის პრიორიტეტული მანქანის ვიზუალია, ზოგისთვის სისწრაფე, ვიღაც ფასს უყურებს, ვიღაცა კომფორტს, ერთისთვის ისაა მნიშვნელოვანი თუ რამდენად იაფი ჯდება ავტომობილის შენახვა, მეორესათვის კი ყველა ზემოთ ჩამოთვლილი გასათვალისწინებელია.

ხშირად, მომხმარებლებისათვის ერთ-ერთი ყველაზე მნიშვნელოვანი ფაქტორი მანქანის ფასი და ეკონომიურობაა, თუმცა რას გულისხმობს ეს ცნებები მაშინ, როცა ავტომობილზე ვსაუბრობთ? ხშირად მომხმარებელი ცდილობს იაფად შეიძინოს მანქანა, თუმცა ავიწყდება, რომ გრძელვადიან პერსპექტივაში ეს გადაწყვეტილება შეიძლება სულაც არ აღმოჩნდეს მომგებიანი იმ მიზეზებით, რომ ეს ავტომობილი შესაძლოა აღმოჩნდეს მალფუჭებადი, მარტივად უფუჭდებოდეს ნაწილები, ძვირი ჯდებოდეს და რთულად საშოვნელი იყოს მისი ნაწილები, ბევრს წვავდეს და ა.შ.

თუკი თქვენი პრიორიტეტი არის არა ავტომობილის ერთჯერადად იაფად შეძენა, არამედ გრძელვადიან პერსპექტივაში მისი იაფი შენახვა, მაშინ ამ ბლოგში გთავაზობთ იმ ავტომობილების ჩამონათვალს, რომლებსაც გარკვეული მიზეზის გამო შეიძლება ეკონომიური ვუწოდოთ.

1. რამ შეიძლება განაპირობოს მანქანის ეკონომიურობა?

იმისთვის, რომ თქვენს მანქანას ეკონომიური უწოდოთ ალბათ ამის გასაზომად უპირველეს ყოვლისა მისი გადაადგილებისათვის საჭირო საწვავის ხარჯებს დაითვლით. ამ ხარჯის მინიმიზაციაში კი ყველაზე მეტად ჰიბრიდული ავტომობილი დაგეხმარებათ. ჰიბრიდული მანქანა განსხვავებით ბენზინსა თუ დიზილზე მომუშავე მანქანებისაგან მცირე რაოდენობის საწვავს მოიხმარს,ზოგჯერ კი მის გარეშეც გადაადგილდება. ჰიბრიდული მანქანის ეკონომიურად გამოყენება კი განსაკუთრებით ქალაქის პირობებშია შესაძლებელი. ზოგისთვის გასაკვირია, თუმცა უნდა აღინიშნოს, რომ ჰიბრიდული ავტომობილი ქალაქში გადაადგილებისას უფრო ნაკლებ საწვავს მოიხმარს, ვიდრე გზატკეცილებზე.

2. რომელ ეკონომიურ მანქანებს გირჩევთ მოგო?

საუბარი ჰიბრიდულ ავტომობილებზე დავიწყეთ და ზემოთ დასმულ კითხვაზე, თუ რომელ ეკონომიურ მანქანებს გირჩევთ მოგო - შემოგთავაზებთ ჰიბრიდული ავტომობილების რამდენიმე ვერსიას:

• ტოიოტა პრიუსი (Toyota Prius) - ყველასთვის ყველაზე კარგად ცნობილი და ჰიბრიდული ავტომობილის კლასიკური მაგალითი სწორედ ტოიოტა პრიუსია, რომელიც საქართველოში ერთ-ერთ ი ყველაზე გავრცელებული მანქანაა. ეს მანქანა ნამდვილად გამოგადგებათ იმ შემთხვევაში თუ გამძლე და ეკონომიურ მანქანას ეძებთ, თუმცა გაითვალისწინეთ, რომ მთა-გორიანი ლანდშაფტისათვის ეს მანქანა ნაკლებად გამოგადგებათ.
• ფორდ ფიუჟენი (Ford Fusion) - ბოლო პერიოდში ამმანქანის პოპულარობამსაკმაოდ იმატა ჩვენს ქვეყანაში და ამაზე ის მეტყველებს, რომ საქართველოს ქალაქებში უფროხშრად შეიმჩნევა ეს მოდელი. ფონდ ფიუჟენი ნამდვილადაა ერთ-ერთი იმავტომობილთაგანი, რომელიც ეკონომიურობითა და მაღალი გამავლობით გამოირჩევა. ამასთან ერთად, გასათვალისწინებელია მისი დახვეწილი დიზაინიც, რაზეც მის ინტერიერიცა და ექსტერიერიც თანაბრად მეტყველებს.
• ჰონდა ინსაითი (Honda Insight) - ჰიბრიდულ და დაბალი წვის მქონე ავტომობილებს შორის ეს მოდელიც საპატიო ადგილს იკავებს. აღნიშნულ მანქანაზე აღსანიშნავია ხარისხი და მომხმარებლისათვის ხელსაყრელი ფასი. ამასთან ერთად ხაზი უნდა გავუსვათ ჰონდა ინსაითის სწრაფ აჩქარების სისტემას, რაც ბევრი მძღოლისათვის მანქანის მართვისას დიდი კომფორტია.
• ჰონდა აკორდი ( Honda Accord) - ეს მოდელი ჰიბრიდის ის წარმომადგენელია, რომელიც აერთიანებს ლამაზ ვიზუალს, არის ტევადი და არაჩვეულებრივია დიდი ოჯახისათვის, რაც მთავარია არის ეკონომიური.

თუ ავტომობილის შეძენას გადაწყვეტთ, ამისთვის ერთ-ერთ ყველაზე სწრაფ გზას სწორედ მოგო გთავაზობთ, გაეცანით ჩვენს სტატიას თუ რა არის ავტო ლიზინგი და რატომ არის ავტო ლიზინგი - ყველაზე პრაქტიკული გადაწყვეტილება.