ისლამ კარიმოვი, კიმ ჩენ ირი, ალი ბონგო ონდიმბა - 8 ნაკლებად ცნობილი დიქტატორი და მათი ექსტრავაგანტული ცხოვრების წესი
დედამიწა დიქტატორების ნაკლებობას ნამდვილად არ განიცდის. დღესაც არსებობენ ისეთი პოლიტიკური პირები, რომლებსაც მოსახლეობის უმრავლესობა დიქტატორად აღიქვამს და მათ წინააღმდეგ იბრძვიან კიდეც.
დიქტატორის დაუოკებელი სურვილი და მისწრაფება ძალაუფლების შენარჩუნება, მასებზე ბატონობა და დიდძალი ქონების სამუდამო განკარგულებაში ქონაა, რაც ხშირად უბრალო მოქალაქეების გაღატაკების და მონური შრომის ხარჯზე ხდება.
წარმოგიდგენთ რამდენიმე ნაკლებად ცნობილ ფიგურას, რომლებსაც საკუთარმა მოსახლეობამ და ისტორიამ დიქტატორის სახელი შეარქვა:
ისლამ კარიმოვი
20 წელზე მეტი ხნის განმავლობაში უზბეკეთის პრეზიდენტის პოსტზე მყოფმა ისლამ კარიმოვმა ქვეყანა, რომელსაც ის მართავდა “ოჯახურ ბიზნესად“ აქცია. კარიმოვს ბრალად ედება ქვეყნის ბიუჯეტით სარგებლობა. საკუთარ ქალიშვილებს კი რამდენიმე ქვეყანაში საბანკო ანგარიშები გაუხსნა, სადაც არაკეთილსინდისიერი გზით მოპოვებულ თანხას რიცხავდა. ამბობენ, რომ კარიმოვის უმცროსმა ქალიშვილმა ცოტა ხნის წინ ჰილზში 58 მილიონი დოლარის ღირებულების ვილა შეიძინა.
თეოდორო ობიანგ ნგემა მბასოგო
ეკვატორული გვინეის პრეზიდენტი, თეოდორო ობიანგ ნგემა მბასოგო 600 მილიონ დოლარს ფლობს. ობიანგმა მილიონები იმ ქვეყნიდან გამოიმუშავა, რომლის პრეზიდენტიც თავად იყო. მოგვიანებით მას სახელმწიფო ბიუჯეტიდან დიდძალი ფულის მოპარვა დასდეს ბრალად.
მისი მდიდრული ცხოვრების წესი მოიცავს მაღალი კლასის მანქანების კოლექციას, მათ შორის არის: ბუგატი, მაზერატი და ბენტლი. იგი ფლობს პარიზში ელიტარულ 6-სართულიან შენობას. ასევე ფლობს 12 ჰექტარ ქონებას მალიბუში, რომლის ღირებულებაა დაახლოებით 35 მილიონი დოლარი.
დენის სასოუ ნგესო
კონგოს პრეზიდენტი, დენის სასოუ ნგესო კიდევ ერთი აფრიკელი პრეზიდენტია, რომელმაც მილიონები ქვეყნის მმართველობის დროს გამოიმუშავა. ცნობილია, რომ სასოუ და მისი ოჯახი მილიონობით დოლარს ხარჯავენ მხოლოდ მოგზაურობაში. როგორც ცნობილია, პრეზიდენტმა 400,000 დოლარზე მეტი მხოლოდ სასტუმროს გადასახადებზე დახარჯა, როდესაც ნიუ-იორკში Waldorf Astoria-ში გაემგზავრა.
ალი ბონგო ონდიმბა
თავისი ქვეყნის შემოსავლების კაპიტალიზაცია გაბონის პრეზიდენტს, ალი ბონგო ონდიმბასაც უყვარს. ამბობენ, რომ ონდიმბამ გაფლანგა თავისი ქვეყნის მთლიანი შიდა პროდუქტის დაახლოებით 25 პროცენტი. ონდიმბას ქონების წმინდა ღირებულება 1 მილიარდ დოლარზე მეტია. ის ასევე ფლობს მდიდრულ ქალაქურ სახლს პარიზში, რომელიც 138 მილიონ დოლარად შეიძინა. “თაუნჰაუსი“ მდებარეობს პარიზის შუაგულში ერთ ჰექტარ მიწაზე და შეიცავს 14 საძინებელს, საცურაო აუზს, ჩოგბურთის კორტებს და შვიდ პარკინგის ადგილს.
მუამარ კადაფი
მუამარ კადაფი და მისი ოჯახი ლიბიის ნავთობის უზარმაზარი მარაგებით თითქმის ოთხი ათწლეულის განმავლობაში სარგებლობდა. კადაფის ოჯახი ცხოვრობდა მდიდრული ცხოვრების წესით რეგატაში. ამბობენ, რომ კადაფის ვილა სავსე იყო Burberry-ის დივნებით, პიერ კარდენის ხალიჩებით და მოოქროვილი დანა-ჩანგლით. კადაფს ასევე ჰქონდა სრულად აღჭურვილი და დაკომპლექტებული კერძო ზოოპარკი თავისი შვილებისთვის. როდესაც 2011 წელს კადაფის აქტივები გაიყინა, გავრცელდა ინფორმაცია, რომ მისმა ქონებამ შეადგინა 30 მილიარდი აშშ დოლარი.
ჰოსნი მუბარაქი
Globalpost-ის თანახმად, ეგვიპტის ყოფილი პრეზიდენტი, ჰოსნი მუბარაქი შესაძლოა, იყოს მსოფლიოს უმდიდრესი ადამიანი, რომლის ქონება 70 მილიარდ დოლარს უახლოვდება. თუმცა ოფიციალური ინფორმაციით, მისი ქონება 1,2 მილიარდ დოლარად არის შეფასებული. ამბობენ, რომ მუბარაქმა ფული გამოიმუშავა სამხედრო კონტრაქტებით, ანგარიშსწორებითა და ლეგიტიმური ბიზნესსაქმიანობით. მისი ქონება ოფშორულ საბანკო ანგარიშებზე დევს. მუბარაქს ასევე აქვს ექვსსართულიანი სასახლე ლონდონის Knightsbridge-ის მონაკვეთში, ორი იახტა.
კიმ ჩენ ირი
ჩრდილოეთ კორეის ცნობილი ლიდერი კიმ ჩენ ირი (კიმ ჩენ ინის მამა) ყოველწლიურად 300 მილიონ დოლარს მხოლოდ ფუფუნებაში ხარჯავდა. მისი მმართველობის დროს კი ჩრდილოეთ კორეელები უკიდურეს სიღარიბეში ცხოვრობდნენ. Dailymail იტყობინება, რომ კიმ ჯონგ-ირი, სავარაუდოდ, წელიწადში 700 000 ფუნტს ხარჯავდა ჰენესის კონიაკზე. ამ უშიშარ დიქტატორს ისე უყვარდა ფილმები, რომ მან გაიტაცა ცნობილი კინორეჟისორი და მისი მსახიობი ცოლი და აიძულა ისინი, მისთვის ფილმი გადაეღოთ. მან ჩრდილოეთ კორეაში 34 000 ქანდაკება განათავსა.
კიმ ჯონგ-ირი გარდაიცვალა 2011 წლის ბოლოს და მმართველად თავისი ვაჟი კიმ ჩენ ინი დატოვა.
სადამ ჰუსეინი
ერაყის დიქტატორს, სადამ ჰუსეინს უყვარდა სასახლეები. მან მმართველობის დროს ქვეყანაში 70 სასახლე ააშენა, სადაც ოქროს აბაზანები და წარმოუდგენელი ფუფუნების საგნები იყო განთავსებული. გაერთიანებული სამეფოს ტელეგრაფის ცნობით, ჰუსეინს ასევე ჰქონდა 270 ფუტიანი იახტა, რომელიც გაფორმებული იყო ოქროს დეკორით. იახტა ახლახანს 20 მილიონ ფუნტად გაიყიდა. დიქტატორის ქონება 2 მილიარდ დოლარს შეადგენდა.
(წყარო - therichest.com)
