საქართველოში იმპორტირებული შოკოლადის 67,4% რუსეთსა და უკრაინაზე მოდის - რა რაოდენობის პროდუქტს ვყიდულობთ
2021 წელს საქართველომ ჯამში, 19,709 ტონა (54,733 მლნ აშშ დოლარი) შოკოლადის იმპორტი განახორციელა, საიდანაც 64,7% რუსეთსა და უკრაინაზე მოდის. საქსტატის მონაცემებით, ქვეყანამ 10,935 ტონა (25,745 მლნ აშშ დოლარი) პროდუქტი რუსეთიდან, ხოლო 4,075 ტონა (11,183 მლნ აშშ დოლარი) უკრაინიდან შემოიტანა.
რაც შეეხება სხვა ქვეყნებს, იმპორტიორი ქვეყნების ჩამონათვალი ასეთია:
- თურქეთი - 1 539 ტონა (5,214 მლნ აშშ დოლარი)
- ბელგია - 762 ტონა (3,063 მლნ აშშ დოლარი)
- იტალია - 738.2 ტონა (2,337 მლნ აშშ დოლარი)
- აზერბაიჯანი - 439 ტონა (1,049 მლნ აშშ დოლარი)
- გერმანია - 433.2 ტონა (1,530 მლნ აშშ დოლარი)
გარდა ამისა, შოკოლადი შემოვიდა შემდეგი ქვეყნებიდანაც: სომხეთი, პოლონეთი, ნიდერლანდები, თურქმენეთი, ბელარუსი, საფრანგეთი, უზბეკეთი, ბულგარეთი და აშ.
ამასთან, აღსანიშნავია, რომ მიმდინარე წლის 2 თვეში (იანვარ-თებერვალი) საქართველომ 2,605 ტონა (8,435 მლნ აშშ დოლარი) შოკოლადის იმპორტი განახორციელა. აქედან 1,295 ტონა (3,595 მლნ აშშ დოლარი) რუსეთიდან, ხოლო 590.1 ტონა (1,940 მლნ აშშ დოლარი) უკრაინიდან.
