დღეიდან, „აგროჰაბის“ მარშალ გელოვანის გამზირზე მდებარე ფილიალი დროებით მუშაობას აჩერებს

„აგროჰაბის“ მარშალ გელოვანის გამზირზე მდებარე ფილიალი დროებით მუშაობას აჩერებს. ამის შესახებ ინფორმაციას თავად კომპანია ავრცელებს.

„18 აპრილიდან 21 აპრილის ჩათვლით, “აგროჰაბის” მარშალ გელოვანის ფილიალი იკეტება. 22 აპრილს ფილიალი მუშაობას განაახლებს 09:30 საათზე. ამ პერიოდში შეგიძლიათ ისარგებლოთ ჭავჭავაძის ფილიალით,“-ნათქვამია განცხადებაში.

შეგახსენებთ, რომ მსგავსი გადაწყვეტილება მიიღო „კარფურმაც“. კერძოდ, კომპანიამ “თბილისი მოლსა” და “ისთ ფოინთში” ოპერირება დროებით, 22 აპრილამდე შეწყვიტა. ამის მიზეზი კი, საქართველოს მთელს ტერიტორიაზე მსუბუქი ავტომობილებით გადაადგილების აკრძალვაა.